29 | YS | விலகிவிடு

விடியலும் அஸ்தமனமாகிறது – உன் கோரப்பிடியில் வாசற் கதவைத் திறக்க தயக்கம் ஏதோ மனதில் கதை பேசும் காதலனும் தள்ளிச் செல்கிறான் - தொற்று என்று

பச்சிளம் குழந்தையின் அழுகுரல் கேள் உன் நாடகமும் தெருவில் கதை போடும் உன்னால் சமூக மாற்றம் - பல உதவும் கரங்களின் தோற்றம்

(சமூக) இடைவெளிகள் தூரம் சென்றாலும் இன்னும் பின்னடைவு வாழ்வில் மட்டுமல்ல வளர்ச்சியிலும்

தான் பெற்ற செல்ல மகள் பூப்படைந்த வேலையில் - தாய் பூரிக்க நேரமில்லை நகர் சென்ற தந்தை வீடு வந்து சேர்க்கையில்

கையில் ஒன்றுமில்லை நடை போட இடமிருந்தும் - ஊரடங்கு தடை போட உத்தரவு மனதை மயக்கும் தென்றலும் கவசமிட கட்டளை ‘எனக்கும் கொரோனா’ என்று

மேனிக்கிதமான காலை வெயில் கூட சுடுகிறது – நாம் தரும் இன்னல் எண்ணி ஓய்வில்லாமல் சப்தமிடும் அலைகள் ஓய்வெடுக்க எண்ணுகிறது

தினம் தினம் மாற்றம் - நடை போடும் கொடூர நாடகத்தால் இதை எண்ணிப்பார்க்க உனக்கு நேரமில்லையோ?

பிறந்த இடத்தில் உன் பிடிப்பு இல்லாதப்போது புகுந்த இடம் ‘மட்டும் எதற்கு’ கொரோனாவே கடந்து செல்வது காலங்களை மட்டுமல்ல – எங்கள் கண்ணீரையும் தான்!

விலகிவிடு எம்மை விட்டுவிடு இனியாவது வாழவிடு

by Selvanayagam Thilani

F018