54 | YS | கொரோனாவும் எம் நாடும்

வானரம் சூழ்ந்த வையகம் எங்கும் 

பரவி வரும் கொடூரமான கொரோனா

வாழ வேண்டிய மனிதரை வைகுண்டம் சென்றிட 

வழியமைத்த கொரோனா   

கூடுமா இன்னும் இல்லையேல்

கூலியின் வயிற்றில் அடிக்குமா ...!

அலை அலையாய் மனிதர் கூட்டத்தை

கொன்று குவித்ததென்ன...

அநாதை பினமாய் அள்ளி அள்ளி குவிப்பதென்ன ...

கல கல வென கலகலப்பு ஒலித்து கொண்டிருந்த ஓராயிரம் வீடுகளில்  - இன்று

கண்ணீரும் கம்பளையும் நிறைந்த காவியத் 

தோற்றத்தை கண்டீரோ.....

காடு மேடெல்லாம் ஓடித்திரிந்தவரின் கால்கள் 

தரையில் பதித்து நின்றதென்ன...

காணல் நீராய் போன எம் நாட்டு ஜனங்களின்

கம்பீரமும் , கானகத்தையே சுற்றி வளைக்கும் 

கனாக்களும் கடை தெருவிலே நின்ற 

காட்சிகளை கண்குளிர கண்டீரோ

கொலை கொலையாய் கொண்று தீர்த்து 

கொடுங்கோலனாக மாறியதென்ன 

கொரொனா என்ற கொடிய உயிரினம் 

கூட்டம் கூட்டமாய் கூடி ஆடித் திரிந்த 

குமரன் குமரியினம் இன்று 

கூட்டுக்குள் முடங்கிக் கிடப்பதென்ன...

கூலியாட்களின் குமுறல்களையும் 

கூலிவீட்டு குழந்தைகளின் பசி அலறல்களையும் 

கேட்கிறது அந்த காதின் வழி 

கொடுங்கோலான கொரோனா என்னவோ 

கோடி கோடி மக்களுக்கும் ஒரு பொது கொடுமையே ...

ஆயினும் தினகூலியாளனின் அது 

தினம் தினம் கொடுமையே...

தினம் ஒரு படி சோற்றுக்கு திண்டாடும் நிலையே 

எடுத்துரைப்பதா ? இல்லை 

சிறு தீனி தின்னும் சிறு கிளி பிள்ளையின் கதறலை

 எடுத்துரைப்பதா ?

சிறு தடி தன்துணைக் கொண்டு தள்ளாடி நடந்திடும் 

தாத்தாவின் கதையை கூறுவதா ? 

உலையில் என்னவைப்பது என தினறும்

குடும்பத் தலைவியின் நிலையை கூறவா ? 

கும்மிருட்டிலும் குமுறி கொண்டிருக்கும் 

குடும்பத்தலைவனின் நிலையை கூறுவதா ? 

தினம் தினம் நடந்திடும் போராட்டம் இது .

இப்படி எத்தனை எத்தனை கொடுமைகள் 

நீண்டு கொண்டே செல்கின்றன .....

நீங்காத தனிமையும் தனிமையின் கொடுமையும்.....

ஊரடங்கு என்ற பேரில் நாட்டை முடக்கப்பட்டது 

என்னவோ நாட்டைக் காக்கத்தான் 

ஆயினும் முடகியது சந்தோசமான 

நிம்மதியான மானிட வாழ்கைதான் 

என்பதில் என் கருத்தில் 

எவ்வித ஐயமும் இல்லை

இதன் பெயர் தான் ஊரடங்கா ?

பல இன்னல்களை தந்திருந்தாலும் 

உறவுகளின் உன்னதம் உணர்திட்ட காலம் அது

உறவுகளிடையே விட்டு கொடுப்பு - புரிந்துணர்வு

என்பன வெளிப்பட்ட காலம்

பெற்றோரை புரிந்துக்கொள்ளாத பிள்ளைகளும் 

பிள்ளைகளை புரிந்துக்கொள்ளாத பெற்றோர்களும்

புரிந்து நடந்திட்ட காலம் இது

 

நாணயத்தின் பக்கம் இரண்டு என்பது போல

ஒவ்வொரு விளைவின் வினைகளும்

இரண்டே.

அன்றிருந்த ஆரோக்கியம் இன்று 

மாயமாய் மறந்து போனமைக்கு காரணம் தான் என்ன ?

மீண்டும் பெற்றிட மருந்துதான் என்ன ?

பழங்காலந் தொட்டு வந்த பாரம்பரியத்தை

பாதுகாக்காமல் போனதற்கு 

தண்டனையா இது என தோன்ற வைக்கிறது 

இக் கலியுக பயன்பாடு.

தடைப்பட்ட மனித இயக்கம் 

தடம் மாறிட வேண்டும் 

தொடர்ந்திடும் நோய் இயக்கம் 

தொலைதூரம் சென்றிட வேண்டும் 

முடங்கிய எம் நாடு மீண்டும் 

கையூன்றி எழுந்திட வேண்டும் 

கை நீட்டி கடன் பெற்ற எம் நாட்டை

நாம் கைகோர்த்த தன்

மண் காத்திட வேண்டும்.

by S. Prashanthini